Fatahönnuðurinn Magnea Einarsdóttir og sambýlismaður hennar, Yngvi Eiríksson, hafa sett sína heillandi íbúð á sölu. Magnea hefur næmt auga fyrir því hvernig best er að gera fallegt í kringum sig og sína.
Íbúðin er 84 fm að stærð en húsið sjálft var byggt 1948.
Eins og sést á myndunum er Magnea mikill raðari og frammi á gangi er raðað ákaflega fallega í hillur. Bækur eru flokkaðar eftir litum og þeim raðað upp af mikilli smekkvísi. Í íbúðinni eru líka margar góðar lausnir eins og að nota fataslá og skápa úr IKEA í stað fataskápa.
Hvert sem litið er blasir við látlaus fegurð og frumleiki.