Heimilin gerast ekki mikið huggulegri en þessi 128 fm íbúð við Lyngás í Garðabæ. Það sem gerir heimilið sérstakt er að það er ekki eins umhorfs og hjá öllum öðrum.
Í eldhúsinu er til dæmis U-laga innrétting með gulum efri skápum. Innréttingin sjálf er hvít sprautulökkuð en á milli skápa eru fallegar hvítar flísar sem eru lagðar á frumlegan hátt og veggurinn fyrir ofan er málaður svartur. Úr eldhúsinu er hægt að labba út á svalir og eru gluggar í tvær áttir.
Parket er á íbúðinni, sem er mjög björt og hugguleg. Falleg listaverk prýða veggina og er húsgögnum raðað upp á fallegan hátt eins og sjá má á myndunum.