Það eru fáir staðir betri til að leita að hugmyndum og innblæstri en Pinterest en á síðunni má meðal annars finna finna fjölmargar myndir af heitustu innanhúss-stefnunum. Það liggur því næst að leita til Pinterest til þess að spá um hvað sé málið þegar kemur að því að fegra heimilið árið 2018.
Starfsfólk Pinterest tók saman heitustu stefnur í hinum ýmsu flokkum með því að skoða síðuna sína. Tíu atriði lentu efst í heimilisflokknum.
Hótelstíll
Fólk er í meira mæli að skreyta heimilið sitt þannig að því líði eins og það sé í fríi á rólegum stað. Baðherbergi með spa-innblæstri og reyrhúsgögn eru málið.
Málmar
Málmar halda áfram að vera vinsælir.
Terazzo
Rétt eins og marmarinn færði sig yfir í annað en bara gólfefni og borðplötur er von á að fólk fari að nota terazzo í meira mæli.
Fimmti veggurinn
Skraut í loftið er á uppleið.
Skrautleg húsgögn
Skrautleg húsgögn eins og þessi kommóða eru sögð verða heit árið 2018.
Gólfefni
Gólfefni í gráum tónum og fiskibeinamunstur eru málið þegar kemur að gólfefnum.
Hurðir sem tekið er eftir
Fagurlega málaðar útidyrahurðir eins og þessi bláa eru að verða vinsælli.
Munstraðar plöntur
Plöntur halda áfram að vera vinsælar en venjulegar grænar plöntur er ekki nóg. Nú er um að gera að skoða áferð og litbrigði plantnanna.
Stórar myndir
Myndlist er alltaf inni og nú sem aldrei fyrr þykir ekki smart að hafa auða veggi. Stórar myndir og þá sérstaklega prentmyndir halda áfram að vera vinsælar.
Grænn litur
Hvítur ætti ekki endilega vera fyrsti kostur þegar kemur að hlutlausum lit. Salvígrænn er bæði flottur og róandi.