Sólveig Guðmundsdóttir, framkvæmdastjóri Culiacan, er með ansi flott eldhús heima hjá sér í Hrauntungu í Kópavogi. Eldhúsið er hringlaga.
Innréttingin sjálf er úr viði en borðplöturnar úr graníti. Vaskurinn í innréttingunni er undirlímdur og kemur fantavel út. Í miðjunni er eyja þannig að hægt er að hafa það ansi huggulegt í eldhúsinu á meðan kokkurinn hreinlega hringsnýst við matreiðsluna.
Nú hafa Sólveig og maki hennar, Hilmar Ingi Ómarsson, sett húsið á sölu en það er 212 fm að stærð og var byggt 1987. Húsið er með fallegum palli og hið skemmtilegasta eins og sjá má á myndunum.