300 milljóna króna partýhús

Þeir sem eru hrifnir af öllu sem er „vintage“ munu elska þetta hús sem er til sölu fyrir um 300 milljónir íslenskra króna í Los Angeles-sýslu. 

Húsið var byggt árið 1957 og hefur lítið breyst síðan.

Sama fjölskyldan hefur átt húsið síðan það var byggt en á sínum tíma voru allar helstu veislur haldnar í þessu húsi. Hverja helgi var húsið stappað af fólki og halda eigendurnir því fram að meira en 250.000 manns hafi mætt í veislur þar.

Svefnherbergis- og baðherbergisveggir hússins skarta enn sama veggfóðri og þegar húsið var fyrst byggt og allar innréttingar eru ósnertar.

Húsið er staðsett í hæðum Los Angeles-sýslu og hefur það frábært útsýni yfir fallegt landslag Kaliforníu-fylkis. Í bakgarðinum er svo skemmtileg sundlaug í laginu eins og Kalifornía.