Leikkonan Selma Blair byrjaði að drekka mjög ung. Áfengi var hennar leið til þess að flýja raunveruleikann. Blair sem glímir við MS-sjúkdóminn setti tappann í flöskuna fyrir nokkrum árum. 

„Ég er ekki viss um að ég hefði komist í gegnum æskuárin án áfengisneyslu,“ segir Blair í viðtali við People. Hún segir að hún hafi fundið fyrir létti í upphafi. Á meðan hún drakk flúði hún áföllin. 

Fyrst um sinn drakk Blair frekar lítið í einu, bara aðeins til þess að róa kvíðann. „Venjulega fann ég ekki einu sinni á mér. Ég varð sérfræðingur í alkahólisma, dugleg að fela leyndarmálið mitt.“

Frétt af mbl.is

Selma Blair með MS-sjúkdóminn

Áfengisneysla hennar breyttist á unglingsárunum og þegar hún komst á þrítugsaldur. Henni var nauðgað í vorferð. Hún segist ekki muna hvort að einn eða tveir aðilar nauðguðu henni. Hún fann fyrir mikill skömm og seinna áttaði hún sig á því hversu mikil áhrif kynferðisofbeldið sem hún varð fyrir hafði á hana.  

Blair hefur verið edrú síðan árið 2016. Hún skrifaði nýlega endurminningar fyrir son sinn og vonast til þess að saga hennar um flótta í áfengið verði öðrum hjálp. 

Selma Blair er með MS-sjúkdóminn. AFP

Tengdar fréttir

Edrúland

Stærsti sigurinn að hætta að drekka

• Curtis fagnar 25 ára edrúafmæli
• „Ég var bölvaður sykurfíkill, alltaf að éta sætindi“
• „Alkóhólismi er sjúkdómur einmanaleikans“
• Arnar náði árangri vegna dvalar á áfangaheimilum

» Fleiri tengdar fréttir

• Blogga um frétt