Beyoncé átti tvíbura í júní árið 2017 og í apríl ári seinna var hún mætt á sviðið. Hún lagði mikið á sig til þess þess að komast í form aftur og fór á mjög strangan megrunarkúr sem hún grínast með í myndinni Homecoming á Netflix að hún hafi verið svöng á.
Tímarit Opruh Winfrey greinir frá helstu atriðum í myndinni og meðal annars það að Beyoncé hafi verið á mataræði fyrir tónleikana í apríl í fyrra þar sem hún mátti ekki borða brauð, kolvetni, sykur, mjólkurvörur, vín, fisk né kjöt. „Ég er svöng,“ segir hún í myndinni.
Beyoncé segist hafa átt mjög erfiða meðgöngu. Hún var orðin tæp 100 kíló þegar hún fór í bráðakeisara en hjartsáttur annars tvíburans hætti að slá nokkrum sinnum. Þrátt fyrir að einhverjum finnist mataræðið strangt var söngkonan vön mun strangari lífstíl. Segist Beyoncé hafa áttað sig á að hún gæti ekki verið móðir ungra tvíbura og sex ára barns og æft í 15 tíma á dag eins og áður.
„Ég lærði dýrmæta lexíu, ég mun aldrei ýta sjálfri mér svo langt aftur,“ segir söngkonan í myndinni. Má meðal annars sjá einlægt myndband af henni þegar hún passar loksins í gamlan búning og hringir í eiginmann sinn, Jay-Z, og sýnir honum.