Brúnar og stæltar fitness-drottningar

Köttaðir og brúnir kroppar kepptu á bikarmótinu í fitness í Háskólabíói sem fram fór um helgina. Um 90 keppendur stigu á svið og voru þeir hver öðrum flottari eins og sést á myndunum. 

„Margir efnilegir keppendur stigu sín fyrstu skref á sviði í byrjendaflokknum í módelfitness. Bára Jónsdóttir var ein af þeim en hún byrjaði á að sigra byrjendaflokkinn, keppti síðan í yfir 168 cm flokki, sigraði þar og fór því í heildarkeppnina þar sem hún sigraði einnig. Alls kepptu 44 keppendur í módelfitness og er því sigurinn hjá Báru afar athyglisverður,“ segir á vef fitness.is.