Spikið burt með einum plástri

Vísindamenn eru nú að þróa hálfgerða plástra sem eiga að brenna fitu. Með því að setja plásturinn á ákveðinn stað eins og á mjaðmirnar á að vera hægt að minna hliðarspikið um allt að 20 prósent samkvæmt The Telepraph en í plástrinum eru lyf sem breyta efnaskiptunum í líkamanum. 

Í fólki finnast tvenns konar fitufrumur, ljósar og brúnar. Brúnar fitufrumur brenna fitu til þess að veita varma. Vísindamenn hafa lengi reynt að finna leiðir til þess að breyta ljósu fitufrumunum í brúnar. 

Þangað til nú hafa þau lyf sem búin hafa verið til með þessu markmiði ekki virkað nógu vel þar sem lyfið hefur verið gefið í töfluformi eða með sprautu og virkað þar með á allan líkamann. Aukaverkanir hafa því verið magaverkir, þyngdaraukning og beinbrot. Í tilviki plástursins virkar lyfið staðbundið og lyfið virkar því bara á þann stað sem manneskja vill grennast á.