Anna Eiríksdóttir leikfimisdrottning er búin að setja saman æfingalotu sem hver sem er getur gert heima hjá sér. Nú er engin afsökun fyrir því að hreyfa sig ekki.
Klæddu þig í þægileg föt og komdu þér vel fyrir inni á heimilinu, nú eða í vinnunni.
Æfingalotan samanstendur af sjö æfingum sem fólk gerir í 60 sekúndur hverja sem tekur sjö mínútur allt í allt. Hvílt er á milli en gott er að gera þessa æfingalotu alla vega þrisvar sinnum í heild sinni.
Samtals skapa þessar þrjár æfingalotur 21 mínútu æfingu. Æfingarnar styrkja efri og neðri hluta ásamt því að keyra púlsinn aðeins upp.
„Snilld fyrir þá sem vilja taka eina stutta æfingu án þess að þurfa nein áhöld til þess,“ segir Anna.