Auðmaðurinn Davíð Helgason er dottinn út af lista bandaríska tímaritsins Forbes yfir milljarðamæringa heimsins. Viðskiptablaðið greinir frá og segir að lækkun hlutabréfaverðs hugbúnaðarfyrirtækisins Unity skýra þetta.

Davíð komst í fyrsta skipti á listann á síðasta ári en það var annasamt ár fyrir Davíð. Þá festi hann meðal annars kaup á Hrólfsskálavör 2 á Seltjarnarnesi. 

Frétt af mbl.is

Davíð keypti húsið við hliðina á Hrólfsskálavör 2

Frá áramótum hefur gengi Unity fallið um meira en helming og hefur það ekki verið lægra frá skráningu í kauphöll Nasdaq í New York í september árið 2020. Stóð gengið í 66,4 dölum á hlut á föstudag.

Davíð, sem stofnaði Unity á sínum tíma, hefur minnkað við eignarhlut sinn í fyrirtækinu undanfarna mánuði, og hefur selt um 12% af hlut sínum fyrir tæplega 20 milljarða króna.

Eignir Davíðs voru metnar á 1,1 milljarð bandaríkjadala í byrjun apríl þegar listi Forbes kom út og var hann þá í sæti 2.448 af 2.668.

Frétt af mbl.is

Björgólfur og Davíð á meðal þeirra ríkustu í heimi

Tengdar fréttir

Davíð Helgason

Davíð Helgason og Isabella eiga von á barni

• Davíð úti en Björgólfur klifrar upp lista þeirra ríku
• Hefja starfsemi á Íslandi í sumar
• Björgólfur og Davíð á meðal þeirra ríkustu í heimi
• Davíð með 22 árum yngri kærustu

» Fleiri tengdar fréttir

• 1 blogg um fréttina

Bloggað um fréttina

• Ingólfur Sigurðsson: Öfund Íslendinga