Bill Gates hefur sína veikleika í starfi

Bill Gates, stofnandi Microsoft, var lengi vel ríkasti maður í heimi. Peningar leysa þó ekki allan vanda og hefur Getes sína veikleika og áhyggjur í starfi sínu eins og annað fólk. 

Business Insider greinir frá því að Gates var spurður að því í Hunter Collage í New York hverjir veikleikar hans væru og hvað geri hann áhyggjufullan í starfi. Í ljós kom að ráðningarferli og stjórnun eru ekki hans sterkasta hlið. 

„Ég þurfti alltaf að fá annað fólk sem hefur mikla næmni fyrir því hvernig við ætluðum að byggja upp hópinn til þess að koma og hjálpa,“ sagði Gates. Hann segist hafa verið minna spenntur fyrir því sem sneri ekki að tækninni og því efaðist hann um styrkleika sína á þeim sviðum. 

Annað sem gerir hann stressaðan eru samskipti við ríkisstjórnina. „Ég uppgötvaði ekki fyrr en of seint hversu mikilvæg þau voru,“ sagði Gates. 

Styrkleikar fólks eru misjafnir og flestir upplifa einhvern tímann áhyggjur eða kvíða í starfi. Það virðist þó vera ekkert nema eðlilegt en Bill Gates er gott dæmi um það. 

Bill Gates, stofnandi Microsoft. AFP

• Blogga um frétt