Haraldur Ingi Þorleifsson hefur opnað hönnunarstofuna Ueno á ný. Frá þessu greinir hann á X, áður Twitter, en miðillinn keypti hönnunarstofuna af honum fyrir fleiri milljarða króna árið 2021.

Í færslunni segist Haraldur sjálfur hissa á ákvörðuninni, þetta hafi ekki verið ætlunin.

Hann rekur söguna stuttlega. Hann hafi stofnað Ueno í íbúðinni sinni í Reykjavík árið 2014 og selt Twitter fyrirtækið sjö árum síðar, fyrir mjög mikinn pening, en peningurinn hafi þó ekki verið ástæðan fyrir því að hann ákvað að selja Ueno.

„Fyrirtækið stóð sig vel, ég þurfti ekki pening. Ég þurfti nýja áskorun,“ skrifar hann.

https://www.mbl.is/vidskipti/frettir/2021/01/06/twitter_festir_kaup_a_islensku_fyrirtaeki/

https://www.mbl.is/vidskipti/frettir/2021/01/30/allir_skattar_af_solu_ueno_verdi_greiddir_a_islandi/

https://www.mbl.is/frettir/innlent/2023/08/17/tekjuhaesti_islendingurinn/

Leið eins og eitthvað vantaði

Haraldur segir Ueno hafa vaxið á þessum sjö árum en honum hafi samt liðið eins og eitthvað vantaði.

Hann hafi verið utan við ferlið í langan tíma, aðstoðað fyrirtæki við að koma hugmyndum í framkvæmd en afhent þeim afreksturinn, sem fyrirtækin fylgdu svo sjálf eftir. Hann hafi langað að gera það, að vera hluti af stærri heild og sjá verkefni vaxa og dafna.

Þar kom Twitter inn í myndina. Þó að sú vegferð hafi ekki endað eins og hann hafi séð fyrir sér þá hafi hann lært mikið áður en hann varð allt í einu frjáls. Tók hann sér þá aðra hluti fyrir hendur.

https://www.mbl.is/frettir/innlent/2022/04/04/haraldi_mislikar_elon_musk/

https://www.mbl.is/vidskipti/frettir/2023/03/08/musk_bidur_harald_afsokunar/

Skiptist á orðum við Musk

Eins og kunn­ugt er áttu Har­ald­ur og Elon Musk, for­stjóri og eig­andi X, þá Twitter, hvöss orðaskipti á miðlin­um í mars 2023, skömmu eft­ir að búið var að loka vinnuaðgangi Har­alds hjá fyr­ir­tæk­inu. Fjölda fólks hafði verið sagt upp hjá Twitter vik­un­um áður eft­ir yf­ir­töku Musk, og taldi Har­ald­ur lík­legt að röðin væri kom­in að hon­um. 

Að hans sögn hafði þó ekk­ert upp­sagn­ar­bréf borist og greip Har­ald­ur því til þess ráðs að spyrja for­stjór­ann á Twitter hvort það gæti staðist.

Musk svaraði Har­aldi kald­rana­lega og vildi meðal ann­ars fá að vita hvaða hlut­verki hann sinnti hjá fyr­ir­tæk­inu. Við tóku orðaskipti milli þeirra fé­laga þar sem fast var skotið. Í einu tíst­inu gekk Musk svo langt að halda því fram að Har­ald­ur notaði vöðvarýrn­un­ar­sjúk­dóm­inn sem hann er með, sem af­sök­un fyr­ir því að vinna ekki.

Hann virtist þó hafa séð að sér og baðst skömmu síðar af­sök­un­ar. Ræddu þeir sam­an í kjöl­farið í gegn­um fjar­funda­búnað.

https://www.mbl.is/vidskipti/frettir/2023/04/29/haraldur_haettur_hja_twitter/

https://www.mbl.is/folk/frettir/2023/03/09/ovaent_utspil_fra_haraldi/

Blammo!

Eins og Íslendingum er flestum kunnugt byggði Haraldur  í kjölfarið rampa, veitingastað og bíósal, banka, upptökustúdíó, samfélag fyrir skapandi fólk, gerði hlaðvarp, gaf út plötu, lék í bíómyndum og gerði allt sem honum hafði alltaf langað til að gera, en eftir að hafa verið í fjögur ár án Ueno hætti hann aldrei að sakna þess.

https://www.mbl.is/frettir/innlent/2023/04/29/i_minningu_mommu/

„Tilfinningin sem ég fæ þegar einhver kemur með eitthvað sem er bara hugmynd og vill okkar hjálp við að sjá það verða að veruleika. Það er eins og töfrar. Eins og alkemía. Ég saknaði þeirrar tilfinningar.

Þannig að, já, Ueno er komið aftur. Blammo!“