Á góðvirðisdögum langar flesta í léttan og bragðgóðan mat með sumarlegu ívafi. Kristjana Steingrímsdóttir, betur þekkt sem Jana heilsukokkur, gerði þetta dásamlega rækjutaco á dögunum sem er alveg dásamlega gott. Bragðið er létt og ferskt og spretturnar gera máltíðina aðlaðandi.
Ég bauð fjölskyldunni upp á þennan rétt, grillaði rækjurnar á spjóti, hitaði tortillur örstutt á pottjárnspönnu á grillinu og rétturinn sló í gegn. Ef ykkur langar að slá í gegn með einfaldri og góðri máltíð þá er þetta málið.
Rækjutaco Jönu með epla- og kóríandersalsa
Fyrir 3-4
Rækjurnar
- 400 g tígrisrækjur, þiðnar og hreinsaðar
- 2 msk. ólífuolía
- 1 tsk. reykt paprikuduft
- ½ rautt chili, saxað smátt
- 1-2 hvítlauksrif, pressuð eða ½ tsk hvítlauksduft
- Salt & pipar eftir smekk
- ½ límóna, safinn
Aðferð:
- Blandið ólífuolíu, paprikudufti, chili flögum, hvítlauk, salti og pipar.
- Veltið rækjunum upp úr.
- Hitið pönnu á miðlungshita og steikið eða grillið rækjurnar í 2–3 mínútur þar til þær verða bleikar og eldaðar í gegn.
- Kreistið límónusafa yfir þær að lokum.
Epla- og kóríandersalsa
- 2 epli, söxuð í litla bita
- 1/3 bolli granateplafræ
- 1/3 agúrka, söxuð í litla bita
- 1/3 fersk chili, smátt saxað
- 1/2 rauð paprika, smátt söxuð
- 1 box VAXA kóríander, saxað
- 1 msk. graskersfræ
- ½ límóna, safinn
- 1 tsk. hunang
- Salt eftir smekk
Aðferð:
- Blandið saman eplabitum, granateplafræjum, agúrku, chili, papriku, kóríander, graskersfræjum, límónusafa, hunangi og salti.
- Hrærið vel saman.
- Geymið í kæli þar til rétturinn er borinn fram.
Annað meðlæti
- 8-10 litlar maís- eða hveititortillur
- Hreinn fetaostur, brotinn í litla mola
- Krydduð jógúrtsósa (sjá uppskrift fyrir neðan) eða sýrður rjómi
- Marínerað rauðkál (sjá uppskrift fyrir neðan)– má sleppa
- VAXA Sprettur
Krydduð jógúrtsósa
- 1,5 bolli grísk jógúrt
- 1 -2 hvítlauksrif, pressuð
- 1 tsk. cummin
- 1 msk. hunang
- ½ límóna, safinn + smá rifinn börkur
- 1 msk. ferskt VAXA kóríander, saxað mjög smátt (líka skemmtilegt að nota VAXA dill)
- Salt og nýmalaður pipar eftir smekk
Aðferð:
- Hrærið vel saman þar til sósan er vel blönduð saman.
- Kryddið með salti og pipar eftir smekk.
- Kælið í ísskáp í a.m.k. 15 mínútur áður en hún er borin fram.
- Einnig er hægt að nota sýrðan rjóma.
Marínerað rauðkál
- 1/4 rauðkálshaus, skorinn mjög þunnt, best að nota mandolín
- 2 msk. ólífuolía (extra virgin)
- 1–2 msk. límónu- eða sítrónusafi (eftir smekk)
- 1 tsk. hunang eða hlynsíróp
- Salt & smá chili flögur
Aðferð:
- Hrærið allt saman í skál og kælið í ísskáp í um 1/2-1 klukkustund.
Samsetning:
- Hitið tortillurnar létt.
- Smyrjið smá sósu á volgar tortillurnar, því næst smá setjið smá af maríneruð rauðkál ofan á, nokkrar rækjur, epla- og kóríandersalsa og smá fetaost.
- Punkturinn yfir i -ið er að toppa síðan taco-ið með VAXA sprettum og enn meira af kóríander.
- Berið fram með límónubátum.