Donald Trump Bandaríkjaforseti segist hafa hafið undirbúning að tvíhliða friðarfundi milli Volodímírs Selenskís Úkraínuforseta og Vladimírs Pútíns Rússlandsforseta. Þá hefur verið ákveðið að veita Úkraínu öryggistryggingar sem hluta af hugsanlegum friðarsamningi milli Rússlands og Úkraínu.
Trump fundaði í dag með Selenskí og nokkrum helstu leiðtogum Evrópuríkja í Hvíta húsinu. Að fundinum loknum sagðist hann hafa haft samband við Pútín til að hefja undirbúning að friðarfundi.
Staðsetning fundarins hefur ekki verið ákveðin.
Trump sagði jafnframt að í kjölfar hans yrðu haldnar þríhliða viðræður þar sem hann sjálfur tæki einnig þátt.
Átti hið besta samtal við Trump
Fundur með bæði Selenskí og Pútín í sjónmáli
Úkraína fær öryggistryggingar
Forseti Bandaríkjanna hefur jafnframt upplýst að ákveðið hafi verið að veita Úkraínu öryggistryggingar sem hluta af hugsanlegu friðarsamkomulagi við Rússland.
Þær tryggingar yrðu veittar af ýmsum Evrópuríkjum en Bandaríkin myndu sinna samhæfingar- og eftirlitshlutverki.
Greint hefur verið frá að Pútín hafi fallist á, á fundi sínum með Trump í Alaska síðasta föstudag, að Bandaríkin og Evrópa gætu gefið Úkraínu álíka verndartryggingu og NATO-ríki njóta, en í henni felst að árás á eitt aðildarríki jafngildi árás á öll ríki bandalagsins.