Donald Trump Bandaríkjaforseti segist vilja boða til fundar með bæði Volodimír Selenskí Úkraínuforseta sem og Vladimír Pútín Rússlandsforseta með það að markmiði að binda enda á stríðið. Það fari hins vegar eftir því hvernig fundur hans með Selenskí fari í dag.
Selenskí mætti til fundar við Trump í Hvíta húsinu á sjötta tímanum í dag og stendur fundurinn nú yfir.
„Ef allt gengur vel í dag munum við halda þríhliða fund og ég tel að það verði raunhæfur möguleiki á að enda stríðið ef við gerum það,“ sagði Trump við blaðamenn í Hvíta húsinu, þar sem hann sat við hliðina á Selenskí.
Þá sagðist Bandaríkjaforsetinn að hann myndi ræða símleiðis við Pútín strax að loknum fundinum með Selenskí í dag.
Selenskí þakkaði Trump fyrir fundarboðið og þakkaði honum jafnframt fyrir tilraunir sínar til að stöðva stríðið.