Hálfíslenska knattspyrnukonan María Þórisdóttir er gengin til liðs við franska félagið Marseille frá Brighton á Englandi.
María er dóttir handboltaþjálfarans Þóris Hergeirssonar og á norska móður. Hún hefur spilað í ensku deildinni frá 2017 með Chelsea, Manchester United og Brighton.
Hún hefur tvisvar sinnum unnið ensku úrvalsdeildina og hefur spilað 71 landsleik með norska landsliðinu.
Marseille er nýliði í efstu deild Frakklands en liðið vann 2. deild á síðasta tímabili.