Mögulega er þetta einfaldasti fiskréttur sem þið getið eldað fyrir alla fjölskylduna og krakkarnir eiga eftir að elska þennan. Ekki skemmir fyrir hversu vel hann smakkast og þetta mexíkóska þema er ávallt vinsælt hjá yngri kynslóðinni.
Heiðurinn af þessum rétti á Árni Þór Arnórsson matreiðslumeistari og meðlimur í Klúbbi matreiðslumeistara.
Mexíkóskur fiskréttur
- 800 g ýsa eða annar góður fiskur
- 180 g sýrður rjómi 18% frá Gott í matinn
- 250 g paprikusmurostur
- 1 stk. meðalstór laukur
- 1 stk. græn paprika
- Handfylli af nachosflögum
- Salt og nýmulinn svartur pipar
Aðferð:
- Skerið ýsuna í bita og raðið í eldfast mót.
- Kryddið með salti og svörtum pipar.
- Saxið grænmetið og setjið yfir fiskinn.
- Hrærið saman sýrða rjómanum og smurostinum og hellið yfir fiskinn.
- Myljið yfir nachosflögur.
- Bakið við 180°C í 25 – 40 mínútur (fer eftir því hvort formið er stórt eða lítið).
- Berið fram til dæmis með fersku salati að eigin vali og njótið.