Eva Ruza flytur pistla um stjörnurnar á hverjum degi á sinn einstaka hátt á K100.

Snyrtivörumerkið e.l.f. Cosmetics hefur beðist afsökunar á nýrri auglýsingaherferð sinni eftir harða gagnrýni á samfélagsmiðlum.

Uppistandarinn og grínistinn Matt Rife lék eitt aðalhlutverkið í auglýsingaherferðinni, ásamt dragdrottningunni Heidi N Closet.

Matt fékk á sig mikla gagnrýni árið 2023 fyrir brandara í Netflix-uppistandsþætti, sem féll í grýttan jarðveg en hann hljómaði einhvern veginn svona: „If she could cook, she wouldn't have that black eye“. 

 Margir viðskiptavinir fyrirtækisins sögðu valið á honum ganga gegn ímynd e.l.f., sem hefur lengi lagt áherslu á jafnrétti og virðingu.

Fyrirtækið gaf út yfirlýsingu þar sem fram kom að það hefði „misst marks“ og lofaði að læra af reynslunni.

Þrátt fyrir þessa yfirlýsingu má enn finna auglýsinguna á samfélagsmiðlum þeirra. Matt hefur ekki sagt neitt um málið, fyrir utan að skrifa í kommentakerfið á instagram hjá e.l.f að hann hefði skemmt sér vel, sem var eflaust skrifað áður en stormurinn hófst.