Auðlesinn mbl.is

Volodimír Selenskí Úkraínuforseti er kominn til Washington þar sem hann mun hitta Donald Trump, forseta Bandaríkjanna, síðar í dag.

https://www.mbl.is/frettir/erlent/2025/08/18/putin_hlynntur_verndartryggingu_fyrir_ukrainu/

Selenskí kemur ekki einn til fundar við Trump því fjöldi evrópska leiðtoga er mættur til Washington. Þar má nefna Emmanuel Macron Frakklandsforseta, Keir Starmer, forsætisráðherra Bretlands, Friedrich Merz, kanslara Þýskalands, Giorgiu Meloni, forsætisráðherra Ítalíu, Ursulu von der Leyen, forseta framkvæmdastjórnar ESB og Mark Rutte, framkvæmdastjóra NATO.

https://www.mbl.is/frettir/erlent/2025/08/17/segist_munu_krefja_trump_svara/

Í færslu á samfélagsmiðli sínum, Truth Social, segir Trump að Selenskí sé fær um að binda enda á innrásarstríð Rússa mjög fljótlega, kjósi hann það. Trump segir að Úkraínumenn geti hvorki átt von á að endurheimta landsvæði á Krímskaga né fá aðild að NATO.

President Zelenskyy of Ukraine can end the war with Russia almost immediately, if he wants to, or he can continue to fight. Remember how it started. No getting back Obama given Crimea (12 years ago, without a shot being fired!), and NO GOING INTO NATO BY UKRAINE. Some things…
— Trump Truth Social Posts On X (@TrumpTruthOnX) August 18, 2025

Selenski segir í færslu á samfélagsmiðlinum X að friðurinn verði að vera varanlegur.

„Rússar verða að binda enda á þetta stríð sem þeir hófu. Ég vona að sameiginlegur styrkur okkar með Bandaríkjunum, með evrópskum vinum okkar verði til þess að knýja Rússa til raunverulegs friðar,“ segir í færslu Úkraínuforsetans.