Snorri S. Konráðsson bifvélavirkjameistari gagnrýnir það sjónarmið að ekki eigi að hrófla við málum þar sem gamalt fólk eigi í hlut.
Snorri ræðir Óshlíðarmálið svokallaða í Dagmálum ásamt Þórólfi Hilberti Jóhannessyni en Kristinn Haukur, hálfbróðir Þórólfs, fannst látinn í Óshlíð milli Bolungarvíkur og Hnífsdals og á að hafa verið farþegi í aftursæti bíls sem á að hafa farið út af og oltið niður hlíðina.
https://www.mbl.is/frettir/innlent/2025/07/06/hvenaer_upplifdi_hann_ad_brodir_minn_hefdi_ordid_ma/
Margt undarlegt við málið
Ökumann og farþega í framsæti sakaði ekki þó engin bílbelti hafi verið í bílnum. Mörgum hefur lengi þótt margt undarlegt við Óshlíðarmálið og var Snorri fenginn til að yfirfara gögn málsins en hann starfaði um árabil við greiningar á umferðarslysum fyrir lögreglu.
Spyrja þeir sig hvort lögregla hafi rannsakað málið til hlítar.
https://www.mbl.is/frettir/innlent/2025/07/04/thad_eru_hjolfor_nidur_hlidina/
Gott að vita hvort ég er ekki kominn í þann hóp
Eitt sjónarmiðið sem heyrist gjarnan í umræðunni er það að ekki eigi að vera að hrófla við málum þar sem gamalt fólk eigi í hlut.
„Ég veit ekki hvar á að finna það í löggjöf að eftir að menn nái ákveðnum aldri þá séu þeir friðhelgir en nú er ég orðinn svo fullorðinn að það væri gott fyrir mig að vita hvort ég er ekki kominn í þann hóp,“ segir Snorri
https://www.mbl.is/frettir/innlent/2025/07/04/storfurduleg_framkoma_og_vinnubrogd_logreglu/
https://www.mbl.is/frettir/innlent/2025/07/05/ekkert_folk_fram_i_thegar_billinn_for_nidur_hlidina/
Sérfræðikunnátta ekki nýtt
Málið var tekið upp fyrir tilstuðlan fjölskyldu Kristins en því lokað á ný árið 2023. Snorri vill meina að lögregla, sem rannsakað hefur málið, búi ekki endilega yfir þeirri sérfræðikunnáttu sem til þurfi til að leiða málið til lykta, hún sé til innan tæknideildar lögreglunnar á höfuðborgarsvæðinu en ekki verið nýtt.
https://www.mbl.is/frettir/innlent/2025/07/03/heldur_thvi_fram_ad_hann_hafi_ordid_undir_bilnum/
Brot úr þættinum má sjá í spilaranum hér fyrir ofan. Áskrifendur geta horft á þáttinn í heild sinni með því að smella á hlekkinn hér að neðan.