24 eru látnir, þar á meðal börn, eftir flóð í Kerr sýslu í Texas í Bandaríkjunum um 150 km frá borginni San Antonio. Á þriðja tug er enn saknað, meðal annars barna sem dvöldu í sumarbúðum þegar flóðið skall á. 

Flóðið hefur valdið skaða í bæjunum Kerrville, Ingram og Hunt. 

Um 700 börn voru í sumarbúðunum og hafa flest þeirra fundist heil á húfi.

Björgunaraðgerðir og rýmingar hafa staðið yfir frá því snemma í morgun og vara yfirvöld við því að fleiri flóð gætu skollið á.

Um 500 manns taka þátt í leitinni og notast er við 14 þyrlur.

Greg Abbott landstjóri sagði að Texas væri að veita „allar nauðsynlegar bjargir til Kerrville, Ingram, Hunt og alls Texas Hill Country-svæðisins sem glímir við þessi hræðilegu flóð“.

Yfirvöld á svæðinu hafa hvatt íbúa sem búa nálægt lækjum og ám að færa sig á hærra land.