Ef einhver leggur línurnar þegar kemur að fata- og matarstíl þá er það Anna Wintour, ritstjóri Condé Nast og alþjóðlegur ritstjóri Vogue.
Wintour heldur í hefðirnar þegar kemur að mat eins og öðru og rifjaði frægðarkokkurinn Geoffrey Zakarian upp gömlu árin sín í New York þegar hann eldaði fyrir Wintour í hádeginu, hvernig hún hefði pantað það sama í hvert sinn, ferskan, rauðan hamborgara og Robuchon-kartöflumús. Kartöflumúsin er nefnd í höfuðið á Joël Robuchon sem hefur hlotið alls 31 Michelin-stjörnur.
Zakarian segir kartöflumúsina innihalda 60% smjör og 40% kartöflur og sé hún engu öðru lík. Svo nú er bara að setja upp sólgleraugun og borða kartöflumús í hverju hádegi líkt og Wintour gerir.
Robuchon-kartöflumús
- 1 kg Ratte-kartöflur
- 250 gr – 1 kg ósaltað smjör, kalt í teningum
- 250 ml mjólk - létthituð
- Salt eftir smekk
- Má nota hvítan pipar
Aðferð:
- Skolið kartöflurnar.
- Setjið kartöflurnar í pott, með köldu vatni sem hefur verið saltað.
- Hitið undir kartöflurnar og um leið og þær byrja að sjóða, færið þá hitann niður og sjóðið á léttum hita í 20 – 30 mínútur.
- Aðskiljið kartöflurnar þegar þær eru soðnar frá vatninu og geymið í íláti með viskastykki vöfðu utan um þær, til að halda þeim volgum.
- Takið hýðið utan af kartöflunum á meðan þær eru volgar og setjið þær í annað ílát og passið upp á að þær séu volgar í ferlinu.
- Stappið kartöflurnar í potti.
- Hitið undir pottinn á léttum hita og hrærið í þrjár til fimm mínútur.
- Setjið hægt og rólega smjörið út í og notið písk (e. whisk) til að gera kartöflumúsina eins og silki.
- Passið að hræra stöðugt í kartöflumúsinni til að halda réttri áferð.
- Bætið volgri mjólkinni hægt ofan í pottinn til að fá rjómakennda áferð á kartöflumúsina.
- Kryddið með salti eftir smekk. Fyrir þá sem vilja má nota eilítið af hvítum pipar.