Áhrifavaldurinn og raunveruleikastjarnan, Magnea Björg Jónsdóttir, deildi á TikTok uppskrift að uppáhaldsmorgunmatnum sínum sem hún hvetur alla til að prófa.
Magnea segist hafa borðað þennan morgunmat reglulega síðustu þrjá mánuði, enda sé hann einfaldur í undirbúningi, ljúffengur og einstaklega hollur. Skammturinn inniheldur aðeins 290 kaloríur með 26 grömmum af próteini, 34 grömmum af kolvetnum, 15 grömmum af trefjum og 5 grömm af fitu.
Morgunmatur Magneu
-
10 g saxaðar döðlur
-
Fersk bláber
-
50 g AB-mjólk
-
40 g möndlumjólk
-
Smá síróp
-
20 g All-Bran morgunkorn
-
Próteinduft (ein skeið)
Aðferð:
- Helltu möndlumjólkinni í krukku og hrærðu próteinduftinu saman við.
- Bættu svo AB-mjólkinni og bláberjunum út í, ásamt söxuðum döðlum, smá sírópi og að lokum All-Bran morgunkorninu.
- Njóttu svo af bestu lyst!
Hér að neðan má sjá myndskeiðið hennar Magneu sýna frá morgunmatnum.