Vuk Oskar Dimitrijevic gerði fyrra mark Fram í 2:0-sigrinum á hans gamla liði í FH í Bestu deildinni í fótbolta í kvöld og hann hefur blómstrað í Úlfarsárdalnum, eftir fjögur ár hjá FH þar sem hann náði ekki að sýna sitt besta.

https://www.mbl.is/sport/efstadeild/2025/06/15/fram_sendi_fh_nidur_i_fallsaeti/

Mbl.is ræddi við Heimi Guðjónsson þjálfara FH um hans gamla lærisvein en Vuk skoraði aðeins þrjú mörk í 20 leikjum á síðustu leiktíð. Hann er kominn með sex í ellefu leikjum á yfirstandandi tímabili.

„Ég er ánægður með að Vuk gangi vel. Sé ég eftir honum? Nei - hann var búinn að vera í fjögur ár í FH og undir handleiðslu margra frábærra þjálfara en það náði enginn að ná því besta út úr honum. Það er jákvætt fyrir hann að hann sé að standa sig hér,“ sagði hann.