Bandaríkjamaðurinn Sam Burns er með eins höggs forystu eftir þriðja hring af fjórum á US Open mótinu í golfi í Oakmont í Pennsylvaniu í Bandaríkjunum.

Burns lék á 69 höggum í dag, einu höggi undir pari vallarins, og er samtals á fjórum höggum undir pari.

Á hælum hans eru Bandaríkjamaðurinn J. J. Spaun og Ástralinn Adam Scott á þremur höggum undir pari og Norðmaðurinn Viktor Hovland sem er á einu höggi undir pari.  Scott lék best af þessum í dag, á 67 höggum.

Þetta eru einu fjórir kylfingarnir sem hafa náð að leika erfiðan völlinn í Oakmont undir pari og aðeins Carlos Ortiz frá Mexíkó er á parinu en hann lék líka á 67 höggum í dag.

Scottie Scheffler, efsti maður heimslistans, deilir 11. sætinu með níu öðrum kylfingum á fjórum höggum yfir pari en hann átti sinn besta hring í dag þegar hann lék á 70 höggum.