Ísraelar hafa drepið þrjá íranska kjarnorkuvísindamenn til viðbótar, að sögn íranska ríkissjónvarpsins. Þar með hafa níu slíkir vísindamenn fallið í árásum Ísraela að undanförnu.
„Þrír af kjarnorkuvísindamönnum þjóðarinnar, Ali Bekaei Karimi, Mansour Asgari og Saeed Borji dóu píslarvættisdauða í hryðjuverkaárás Ísraels,“ sagði í frétt sjónvarpsins.
Áður höfðu íranskir fjölmiðlar greint frá því að sex slíkir vísindamenn hefðu fallið í árás Ísraels.