Jenna Huld Eysteinsdóttir húðlæknir á Húðlæknastöðinni svarar spurningum lesenda Smartlands. Hér fær hún spurningu frá móður sem veltir fyrir sér hvað sé hægt að gera fyrir dóttur hennar sem er slæm í húðinni. 

Sæl

Dóttir mín er á tólfta aldursári og er orðin verulega slæm af bólum, má ég nota retinól á húðina á henni?

Kveðja, 

JGA

Komdu sæl og takk fyrir spurninguna.

Já hún má svo sannarlega byrja að nota retinól og A vítamínkrem þar sem þau minnka virkni fitukirtlanna í húðinni og koma í veg fyrir myndun fílapensla og þar af leiðandi bóla. Einnig er gott að nota almenn ráð, eins og salicylsýru hreinsi á morgnana og rakakrem og sólarvörn sem henta bóluhúð. Hvet þig til að hlusta á þátt okkar í Húðkastinu um bólur og einnig kíkja á heimasíðu Húðvaktarinnar til að fá frekari upplýsingar.

Kær kveðja,
Jenna Huld Eysteinsdóttir húðlæknir á Húðlæknastöðinni og Húðvaktinni. 

Liggur þér eitthvað á hjarta? Þú getur sent Jennu Huld spurningu HÉR.