Langar þig að breyta heimilinu og fá inn örlítið nýjan tón? Nýja liti, nýja lykt, nýja stemningu? Og bæta hljóðvistina? Þá gætu þessir munir heillað þig upp úr skónum.

Það þarf náttúruleg efni, ull, bómull og hör, til þess að gera heimilið hlýlegra. Hangandi gluggatjöld, eða vængir eins og sumir kalla þau, njóta aukinna vinsælda því þau eru bæði falleg og svo bæta þau hljóðvist. Í stórum húsum þar sem hátt er til lofts og vítt til veggja geta mottur, gluggatjöld og listaverk skipt heilmiklu máli.