Þessi gráðostasósa er tryllingslega góð og steinliggur með grilluðum fiskréttum, kjúklingi, steikum og meira segja grænmeti. Áferðin á þessari sósu er gróf sem gerir hana enn betri. Þeir sem elska gráðosta eiga eftir að missa sig yfir þessari.
Rúnar Gíslason matreiðslumeistari, eigandi Spírunnar og veisluþjónustunnar Kokkanna, á heiðurinn af þessari ómótstæðilega góðu gráðostasósu. Þetta er þriðja uppskriftin að grillsósu sem hann afhjúpar fyrir lesendum sem kemur sér afar vel þar sem grillveðrið hefur verið upp á sitt besta síðustu daga.
https://www.mbl.is/matur/frettir/2025/05/14/kryddsosan_hans_runars_eru_tofrar_fyrir_bragdlaukan/
https://www.mbl.is/matur/frettir/2025/05/16/hvitlauks_limonu_og_myntusosan_kemur_med_friskandi_/
Gróf gráðostasósa
- 2 stk. íslenskur gráðostur (2x120 g)
- 1 dl hvítvínsedik
- 180 g sýrður rjómi
- 120 g majónes
- 1 tsk. hunang
- Sjávarsalt eftir smekk
- Mulinn svartur pipar eftir smekk
Aðferð:
- Takið annan gráðostinn og hellið edikinu yfir.
- Stappið þetta saman.
- Blandið svo öllu saman nema hinum gráðostinum og hrærið vel.
- Grófstappið svo hinn gráðostinn í sér skál og hellið sósugrunninum yfir og hrærið.
- Geymið í kæli þar til þið ætlið að bera hann fram.