Við Kleppsveg í Reykjavík er sjarmerandi 46 fm íbúð til sölu. Þó að íbúðin þyki heldur í smærra lagi er hún mjög björt og hefur núverandi eigandi nýtt fermetrana vel.
Eldhúsið er nýuppgert með eldhúsfrontum frá HAF Studio og hvítri borðplötu. Í stofu er gólfsíður gluggi sem hleypir mikilli birtu inn. Öll rými íbúðarinnar eru flotuð með grængráu floti.
Baðherbergið er einnig skemmtilegt með rauðum og hvítum retro-flísum á gólfi og hvítum mjóum flísum á vegg. Plássið á ganginum er vel nýtt fyrir geymslu á fötum og aðra muni.