Vestri lagði ÍA í Akraneshöll, 2:0, í  Bestu deild karla í knattspyrnu í gær í þriðju umferð deildarinnar.

Vestri er með sjö stig á toppi deildarinnar og ÍA í áttunda sæti með þrjú stig.

https://www.mbl.is/sport/efstadeild/2025/04/23/oadfinnanlegur_vestri_a_toppinn/

Diego Montiel skoraði fyrra mark Vestra á 29. mínútu þegar hann komst einn gegn markmanni eftir flotta stungusendingu frá Daða Berg Jónssyni.

Daði Berg skoraði annað mark Vestra á 40. mínútu þegar hann fékk sendingu í gegn, hafði betur gegn Oliver Stefánssyni, lék á Árna Marínó Einarssyni í markinu og setti boltann í netið. 

Mörkin og fleiri svipmyndir úr leiknum má sjá á YouTube-síðu Bestu deildarinnar og hér fyrir neðan.

 https://www.mbl.is/sport/efstadeild/2025/04/23/david_smari_elskar_varnarleik/

https://www.mbl.is/sport/efstadeild/2025/04/23/their_eru_ogedslega_erfidir/