Í dag fór fram 110. Víðavangshlaup ÍR í miðborg Reykjavíkur en mótið er jafnframt Meistaramót Íslands í 5 km götuhlaupi.
Tékkinn Jan Halberstat og Andrea Kolbeinsdóttir, úr ÍR, stóðu uppi sem sigurvegarar í Víðavangshlaupinu.
Arnar Pétursson kom annar í mark, fyrstur af Íslendingunum og hann og Andrea eru því Íslandsmeistarar í 5 km götuhlaupi 2025.
Arnar kom í mark á 15:33 mínútum, aðeins tveimur sekúndum á eftir Jan, og þriðji var Nils Fischer úr FH.
Þetta er annað árið í röð sem Andrea vinnur hlaupið en hún kom í mark á 16:29 mínútum. Í öðru sæti var Guðlaug Edda Hannesdóttir úr Fjölni á tímanum 17:16 en hún er Ólympíufari í þríþraut. Íris Dóra Snorradóttir úr FH var þriðja á tímanum 17:40.