Það er mikill munur á ríkinu og þjóðinni. Þetta segir Guðmundur Kristjánsson forstjóri Brims en hann var gestur Magdalenu Torfadóttur í viðskiptahluta Dagmála sem sýndur er á mbl.is í dag. Í þættinum ræðir hann um uppgjör Brims fyrir síðasta ár, umræðuna í kringum sjávarútveg, Samkeppniseftirlitið og fleira.
Guðmundur segir að sjávarútvegurinn sé í eigu þjóðarinnar en ekki ríkisins.
„Öll sjávarútvegsfyrirtækin í dag eru ekki í eigu ríkisins, eru ekki í eigu sveitarfélaganna, heldur eru til hlutafélög og eigendurnir að öllum þessum hlutafélögum eru bæði einstaklingar og fyrirtæki á Íslandi og lífeyrissjóðir. Og það er ekki ríkið. Það er mikill munur á ríkinu og þjóðinni,“ segir Guðmundur.
Áskrifendur Morgunblaðsins geta horft á þáttinn í heild sinni hér: