Til verksins var fengið öflugt dýpkunarskip að utan, Tristão da Cunha. Skipið dældi sandi af hafsbotni dagana 10. janúar til 2. mars. Samkvæmt upplýsingum frá Vegagerðinni voru alls teknir upp um 230.000 rúmmetrar.

Dýpið í Grynnslunum var um -7,5 metrar í fyrstu mælingu og um -9,0 metrar þegar skipið fór. Það ætti því að vera orðið greiðfært um innsiglinguna.

Eftir að verkið var boðið út í fyrrasumar var gengið til samninga við lægstbjóðanda, Jan de Nul, sem er belgískt fyrirtæki en skráð í Lúxemborg.

Samningsupphæðin var tvær milljónir evra, eða um 294 milljónir íslenskra króna. Tvö önnur fyrirtæki buðu í verkið, þar á meðal íslenska fyrirtækið Björgun.

Nánar er fjallað um málið í Morgunblaðinu í dag.