Enska leikkonan Jessica Alice Cave Lloyd, jafnan kölluð Jessie Cave, hefur bæst í hóp þeirra fjölmörgu Hollywood-stjarna sem hafa stofnað aðgang á áskriftarsíðunni OnlyFans.

Cave, einna þekktust fyrir hlutverk sitt sem Lavender Brown í kvikmyndunum um töfrastrákinn Harry Potter, greindi frá þessu í hlaðvarpsþættinum Before We Break Up Again nú á dögunum.

„Ég ætla að stofna OnlyFans-reikning, hann verður ekki af kynferðislegum toga. Ég ætla að einblína á blæti,” sagði Cave þegar hún var innt eftir hvernig efni hún ætli sér að birta á síðunni.

https://www.mbl.is/folk/frettir/2024/07/04/maett_a_onlyfans_med_tasumyndir/

Cave, sem er 37 ára, ætlar að deila ljósmyndum og myndskeiðum af hárinu á sér, en margir eru með blæti fyrir hári og kallast það Trichophilia á ensku.

Leikkonan vonast til að þéna dágóða summu á síðunni til að grynnka á skuldum og endurhanna heimili sitt.

https://www.mbl.is/folk/frettir/2024/03/27/iggy_azalea_hefur_sagt_skilid_vid_tonlistina/

Vinsældir vefsíðunnar OnlyFans fara sívaxandi en hún var stofnuð árið 2016. Margar þekktar stjörnur úr Hollywood-heiminum nýta miðilinn til þess að ná sér í frekari tekjur og athygli með því að selja myndir og myndbönd.

Á meðal þeirra sem halda úti áskriftarsíðum á miðlinum eru Denise Richards, Iggy Azalea, Carmen Electra, DJ Khaled, Chris Brown og Drea de Matteo.

https://www.mbl.is/folk/frettir/2025/02/26/dottir_charlie_sheen_graedir_a_ta_og_fingri_a_onlyf/