Ef þú elskar ferska og létta kokteila með smá krydduðu tvisti, þá er þessi „tequila lime spritzer“ með tajín fullkominn fyrir helgina.
Hann er ljósgylltur á litinn, með fullkomnu jafnvægi milli sýru, sætu og krydds – og tajín-brúnin gerir hann sérstaklega skemmtilegan. Heiðurinn af kokteilnum á Snorri Guðmundsson, matgæðingur og ljósmyndari hjá Matur og myndir.
„Tequila lime spritzer“ með tajín saltbrún
- 60 ml tequila
- 30 ml ferskur límónusafi
- 20-30 ml agave-síróp (eða einfalt sykursíróp)
- 90 ml sódavatn
- Klakar eftir smekk
- Tajín kryddblanda (fæst t.d. í Fiska)
- Límónusneið til skrauts
Aðferð:
- Bleytið glasbrúnina með límónusafa og veltið upp úr tajín.
- Fyllið glasið með klökum.
- Hellið tequila, límónusafa og agavesírópi í glasið og hrærið vel.
- Fyllið upp með sódavatni og hrærið létt saman.
- Skreytið með límónusneið og njótið.