Félag Elíasar Guðmundssonar og dóttur hans, Eignarhaldsfélagið Samsara slf, setti íbúð sína við Kolagötu 3 á sölu fyrir ári síðan.

Íbúðin er 117 fm að stærð og sérlega falleg í alla staði. Hún er í húsi sem reist var 2018. Íbúðin er þriggja her­bergja og er á fimmtu hæð. Aukin lofthæð er í íbúðinni og er ljóst fiskibeinaparket á gólfum. 

Í ofanálag var íbúðin búin einstökum húsgögnum og listaverkum, sérhönnuðum gluggatjöldum og hafði að geyma allt það helsta sem hinir efnameiri þrá. 

https://www.mbl.is/smartland/heimili/2024/02/28/felag_eliasar_og_athenu_selur_glaesiibud_a_hafnarto/

Nú hefur íbúðin verið seld. Kaupandi hennar er Karelía ehf. Eigandi þess félags er Kjartan Ingi Kjartansson. Félagið greiddi 125.000.000 kr. fyrir íbúðina.