Diogo Jota tryggði Liverpool jafntefli, 1:1, gegn Nottingham Forest í toppslag í ensku úrvalsdeildinni í knattspyrnu í Nottingham í kvöld, aðeins nokkrum sekúndum eftir að hann kom inn á sem varamaður.

Kostas Tsimikas kom einnig inn á sem varamaður nokkrum sekúndum fyrr, tók hornspyrnu sem fór beint á kollinn á Jota sem skoraði með skalla.

Hinn funheiti Chris Wood hafði komið Forest yfir snemma leiks með hnitmiðuðu skoti eftir góða skyndisókn.

Svipmyndir úr leiknum má sjá í spilaranum hér að ofan en mbl.is færir ykkur efni úr enska boltanum í samstarfi við Símann Sport.