Auðlesinn mbl.is

Lögreglan á Vestfjörðum hafði samband við íbúa til að biðja þá um að dvelja ekki í herbergjum sem sneru með glugga upp að hlíð Eyrarfjalls.

Hafði lögregla samband við íbúa húsa ofan til við Hjallaveg á Ísafirði og í einu húsi við Hnífsdalsveg að beiðni ofanflóðadeildar Veðurstofu Íslands.

Ekki er talin ástæða til að rýma húsin heldur er einungis um varúðarráðstöfun að ræða í því skyni að reyna að hámarka öryggi.

Er fólk beðið um að vera ekki á ferð ofan við Hjallaveg, ofan við varnargarðana fyrir ofan bæinn eða í fjallshlíðum almennt uns veðurfar breytist.

Þá er einnig óheimilt að fara að aurskriðunum sem fallið hafa á veginn um Eyrarhlíð.