Frakkar eru þekktir fyrir að kunna að njóta þegar kemur að mat og drykk. Sumir hafa haft kynni af frönskum eldhúsum án þess að hafa nokkurn tímann stigið fæti á franska grundu.
Hér eru 10 franskir réttir og drykkir sem þú ættir að prófa við næstu Parísarferð.
Café au lait
Byrjaðu daginn á klassísku frönsku kaffi sem framreitt er til helminga af espresso og flóaðri mjólk.
Croissant
Njóttu nýbakaðs smjördeigshorns frá hverfisbakaríi í morgunmat eða sem millimál.
Crêpes
Dekraðu við þig, þunnar fíngerðar franskar pönnukökur fylltar með nutella súkkulaði og banana eða bragðmiklum og matarmiklum pönnukökum eins og skinku og osti.
Croque Monsieur/Madame
Prófaðu þessar klassísku frönsku samlokur með skinku og osti, toppaðar með bechamelsósu eða Madame sem framreitt er með spældu eggi ofan á.
Escargots
Þorið þið að smakka franska snigla eldaða upp úr hvítlaukssmjöri? Sniglarnir eru hefðbundið franskt lostæti sem oftast er borið fram sem forréttur á frönskum veitingahúsum.
Coq au Vin
Njóttu þessa ljúffenga kjúklingaréttar sem er steiktur upp úr víni ásamt sveppum, lauk og beikoni og er algjörlega ómissandi franskur réttur.
Ratatouille
Njóttu þessa litríka grænmetisréttar gerðan úr tómötum, kúrbít, eggaldin, papriku, lauk og kryddjurtum, upprunninn frá Nice eða Provence.
Makkarónur
Dekraðu við þig með litríkum frönskum makkarónum.
Foie Gras
Upplifðu franska gæsalifur eða foie gras sem er eitt af góðmeti Frakka í forrétt með ristuðu frönsku brauði.
Tartar
Prófaðu steik tartare, hráan nautakjötsrétt, kryddaður með kapers, lauk, sinnepi og kryddjurtum, oftast borinn fram með hrárri eggjarauðu ofan á réttinum.
Tarte Tatin
Ljúktu máltíðinni með sneið af Tarte Tatin eftirrétti, eplaterta á hvolfi, borin fram með ögn af rjóma.