Rokkarinn Courtney Love sparaði ekki stóru orðin þegar hún ræddi Taylor Swift í viðtali hjá The Evening Standard.

Ástæða þess að Courtney ræddi um Taylor er vegna þess að hún er að gefa út sex þátta heimildarseríu um tónlistarferil sinn og þær konur sem hafa mótað hana sem söngkonu.

Courtney sagði meðal annars: „Hún er einhvers konar öruggt skjól fyrir stúlkur og líklega Madonna sinnar kynslóðar. En hún er svo sannarlega ekki spennandi listamaður.

Áts.

Þessi ummæli fóru ekki vel ofan í aðdáendur Taylor en að sjálfsögðu fór Twitter/X á flug í kjölfarið. Einn notandi tjáði sig um málið og sagði: „Eftir hundrað ár mun enginn muna eftir Courtney Love. En fólk mun muna eftir Taylor Swift og hvernig hún sameinaði milljónir manna um allan heim í gegnum tónlist.“

Við skulum ekki gleyma því að aðdáendaher Taylor Swift er líklega sá stærsti og öflugasti í heimi. Þú vilt ekki fá hann upp á móti þér.

En ég er svo sem sammála þessum orðum Twitter-notandans.