Halla Hrund Logadóttir forsetaframbjóðandi hélt opinn fund í húsi Máls og menningar á sunnudaginn. Stefán Hilmarsson söngvari söng fyrir gestina og það gerði líka eldri dóttir Höllu Hrundar, Hildur Kristín sem er á tólfta ári. Fjölmiðlakonan Sirrý Arnarsdóttir var fundarstjóri á fundinum en þær Halla Hrund féllust í faðma þegar þær hittust í fyrsta skipti á fundinum.
Fundurinn var mjög vel sóttur en Halla Hrund fyllti húsið af fólki. Daginn eftir var skoðanakönnun birt í Morgunblaðinu og þar kom fram að hún væri í 4. sæti með 10,6% fylgi.
https://www.mbl.is/frettir/innlent/2024/04/15/baldur_katrin_og_jon_taka_forystu/