EVA RUZA FLYTUR PISTLA UM STJÖRNURNAR Á HVERJUM DEGI Á SINN EINSTAKA HÁTT Á K100.
Það ætlaði allt um koll að keyra á vefnum þegar Chelsea Blackwell, þátttakandi í raunveruleikaþáttunum Love Is Blind sagði í þáttunum að hún líktist leikkonunni Megan Fox.
Ég er ekki að ýkja en Chelsea fékk yfir sig holskeflu af ljótum skilaboðum því fólk var ekki sammála henni. Margir telja Megan vera einu fallegustu konu heims.
Chelsea þurfti að stíga fram og útskýra að þetta væri kona sem fólk væri að bera hana saman við og hálf afsakaði orð sín.
Margar fréttir voru skrifaðar, mörg TikTok búin til og í raun asnalega mikil læti í kringum þessa saklausu setningu hennar. Sem var víst einnig tekin úr samhengi.
Megan hefur nú tveimur mánuðum síðar látið heyra í sér í sambandi við þetta mál. Megan segist sjaldan hafa fengið jafn mörg skilaboð í lífinu eins og eftir þessi ummæli Chelsea. Megan hefur hins vegar ekki horft á þættina sjálf en hefur séð mynd af Chelsea.
Hún segir enginn eigi skilið þetta einelti og áreiti og vonar að Chelsea tapi ekki blikinu í augum sínum.