Eins og risastór smákaka en er í raun stór kanelsnúðakaka – hljómar kannski brjálæðislega en bragðast ótrúlega vel. Klárlega öðruvísi útgáfa af hinum sígildu kanelsnúðum því þessa skerðu í sneiðar eins og venjulega köku. Þetta mun án efa slá í gegn í næsta barnaafmæli eða með sunnudagskaffinu.

Fylling:

• 75 g mjúkt smjör
• 75 g púðursykur
• 1 msk. kanill

Glassúr:

• 100 g flórsykur
• 1-2 msk. vatn
• 1 tsk. þurrkuð hindber

Aðferð

Kakan:

1. Pískið smjör og púðursykurinn þar til blandan verður létt og bætið þá egginu við.
2. Blandið hveiti, lyftidufti og salti út í og hrærið. Setjið degið á bökunarpappír og leggið annan pappír ofan á. Fletjið því næst degið út í ferkant (sirka ½ cm þykkan). Setjið í kæli í eina klukkustund.

Fylling:

1. Pískið smjörið, púðursykurinn og kanilinn saman í skál, og smyrjið blöndunni á kökudeigið.
2. Skerið deigið í ræmur (2-3 cm breiðar). Rúllið einni ræmunni saman í snúð og setjið í miðjuna á eldföstu formi (16-18 cm).
3. Takið næstu ræmu og setjið utan um snúðinn í miðjunni og svo koll af kolli þar til útkoman verður einn stór snigill. Bakið við 200° í 20 mínútur og látið kólna.

Glassúr:

1. Hrærið flórsykur og vatn saman í þykkan glassúr og setjið í sprautupoka með litlum stút. Skreytið með glassúr og þurrkuðum hindberjum.

Tengdar fréttir

Uppskriftir

10 bestu hamborgararnir í tilefni sumardagsins fyrsta

• Sigurkokteilarnir geta orðið sumarsmellirnir í ár
• Af hverju að búa til granóla?
• Bragðmikill og ljúffengur fiskréttur með pestó og bræddum osti
• Ferskt og brakandi sumar-tacos með sumarsalsa

» Fleiri tengdar fréttir

• Blogga um frétt