Litla vínbókin er í uppáhaldi hjá okkur en hún kom út fyrir síðustu jól. Fullyrðir höfundur hennar, Jancis Robinson, að hver sem er geti orðið vínsérfræðingur á 24 tímum.
Robinson er einn þekktasti víngagnrýnandi heims og ætti því að kunna ýmislegt fyrir sér. Hér gefur að líta leiðbeiningar frá henni um hversu lengi megi geyma rauðvín.
Ódýrt gutl - allt að ár
Beaujolais og önnur vín úr Gamay-þrúgum - eitt til fimm ár
Zinfandel/Primitivo - tvö til tólf ár
Pinot noir, rauð búrgundarvín - tvö til fimmtán ár
Sangiovese, Chianti og Chianti Classico, Brunello di Montalcino - þrjú til tólf ár
Douro og önnur portúgölsk vín - fjögur til tólf ár
Grenache/Garnacha, vín frá suðurhluta Rhone - fjögur til fimmtán ár
Cabernet Franc, Bourgeuil Chinon - fjögur til sextán ár
Merlot af betra taginu, Bordeauxvín frá hægri bakkanum - fjögur til átján ár
Tempranillo, Rioja, Ribera del Duero - fjögur til tuttugu ár
Shiraz/Syrah, vín frá norðurhluta Rhone - fimm til tuttugu og fimm ár
Cabernet Sauvignon af betra taginu, Bordeauxvín af vinstri bakkanum - fimm til tuttugu og fimm ár
Nebbilo, Barolo, Barbaresco - tíu til þrjátíu ár