Matur | mbl | 21.5.2018 | 19:04 | Uppfært 21:49

Ingibjörg Anna kom, sá og sigraði

Sigurvergari keppninnar. mbl.is/AE

Bergþór Pálsson og Albert Eiríksson voru sérlegir dómarar kvenfélagskvenna í Grundarfirði á dögunum. Af mörgum góðum kökum sem boðið var upp á stóð þessi upp úr að sögn Alberts og bar sigur úr býtum.

Höfundur hennar er Ingibjörg Anna Hinriksdóttir, sem nýgengin er í kvenfélagið Gleym mér ei, og átti heldur betur glæsilega inngöngu.

Jarðarberja- og Baileys-terta

Svampbotn

1 bolli sykur
1 bolli egg
¾ bolli hveiti
¼ bolli kartöflumjöl
1 tsk. lyftiduft

AÐFERÐ:

Stillið ofninn á 160°.
Þeytið egg og sykur saman þannig að þau verði ljós og létt. Bætir síðan þurrefninu í skálina og hrærir varlega saman. Setjið degið í form og inn í ofn í u.þ.b kortér. Kælið svampbotninn.

Marengs

170 gr. sykur
3 eggjahvítur

AÐFERÐ:

Stillið ofninn á 140°.
Stífþeytið eggjahvíturnar saman við sykurinn. Setjið í formið og inn í ofn í u.þ.b klukkustund. Kælið marengsinn.

Að auki þarf:

Makkarónur  og eina öskju af jarðarberjum.

AÐFERÐ:

Setjið svampbotn á disk. Raðið makkarónum á botninn og hellið vel af Baileys yfir. Þeytið 500 ml af rjóma. Geymið smá rjóma til hliðar.
Skerið kassa af jarðarberjum niður í litla bita (gott að geyma nokkur ber til skreytinga) og blandið saman við rjómann.
Dreifið rjómanum vel yfir makkarónurnar. Setjið marengsið ofan á rjómann og þrýstið varlega á marengsið svo að hún festist.
Takið rjómann sem þið lögðuð til hliðar og smyrjið hliðina vel.   
Skreytið með Baileys-súkkulaði og með berjum að eigin vali.

Baileys-súkkulaði