Hnetusteik

• 2 stk. laukur meðalstór – fínt skorinn
• 300 gr. sveppir
• 1 stk. rautt chili – fínt skorið
• 2 msk. engifer – fínt skorið
• 150 gr. gulrætur
• 200 gr. heslihnetur
• 200 gr. möndur
• 2 tsk. hvítlaukspipar
• 1 tsk. timian
• ½ tsk. cayenne
• 1 stk. sítróna – zest (börkurinn)
• 250 gr. brauð – gott er að nota brauð með sólþurrkuðum tómötum eða einhvers konar kryddum til að fá
• extra bragð í steikina
• 2 dl grænmetissoð (hægt að kaupa tilbúið eða einfaldlega nota vatn og grænmetistening/kraft)
• Salt
• Pipar

Aðferð:

1. Byrjað er á því að rista hneturnar og möndlurnar, annaðhvort á þurri pönnu eða inni í ofni, þeim leyft að kólna aðeins síðan settar í matvinnsluvél og hakkaðar lítillega, gott er að hafa aðeins bit í hnetunum/möndlunum.
2. Síðan er grænmetið skortið og steikt, mér finnst best að salta og pipra allt grænmeti um leið og ég steiki það ... lokaniðurstaðan verður einfaldlega meira og dýpra bragð í hnetusteikinni.
3. Hitað er upp á grænmetissoðinu, brauðið skorið í litla bita og sett út í, brauðið á að leysast upp í soðinu þannig að það verður þykkt og hálfklístrað og verður þar af leiðandi bindingin í steikinni.
4. Öllu saman er síðan blandað í skál, grænmetinu, hnetunum, möndlunum, brauðblöndunni, kryddum og sítrónu-zesti. Gott er að hræra öllu vel saman og bæta svo út í salti og pipar ef þarf.
5. Mér finnst skemmtilegast að móta steikina í hring og velta henni síðan upp úr fræblöndu.
6. Bæði er hægt að steikja hnetusteikina á pönnu eða einfaldlega hita hana í ofni.