Sláðu í gegn í barnaafmælinu
ljósmynd/OhSweetBasil.com
Setja bókamerki
Þessar kökur sameina flest það sem við teljum ómissandi í gott barnaafmæli: Rice Krispies, Oreo-kex, sykurpúðar og skrautsykur. Það segir sig eiginlega sjálft að þessi dásemdaruppskrift mun slá í gegn og gleðja afmælisgestina meira en orð fá lýst.
Í uppskriftinni er talað um Rice Krispies og ljósar Oreo-kökur en okkur grunar... og þetta er bara óstaðfestur grunur... að mögulega væri jafnvel enn betra að nota dökkar Oreo-kökur og Cocoa Popps. Þá er líka spurning um að sleppa vanilludropunum.
En hvað um það... hér kemur uppskriftin og við segjum bara njótið vel!
ljósmynd/OhSweetBasil.com
Gullnar Oreo Rice Krispies-partísprengjur
- 10 dl Rice Krispies
- 1 pakki af ljósu Oreo-kexi. Myljið og geymið 1 1/2 dl til að mylja yfir kökurnar
- 3 msk. skrautsykur - og smá til að mylja yfir kökurnar
- 5 msk. smjör
- 8 bollar af litlum sykurpúðum - og 2 bollar í viðbót
- salt á hnífsoddi
- 1/4 tsk. vanilludropar
Aðferð
- Setjið bökunarpappír í ferkantað form (20x25 - eða þar um bil)
- Í stórri skál skal blanda saman Rice Krispies og Oreo-kexinu. Setjið til hliðar.
- Í stórum potti skal bræða smjörið og bæta því næst saman við sykurpúðunum, salti og vanilludropunum. Hrærið þar til sykurpúðarnir eru alveg bráðnaðir.
- Hellið yfir kex og krispies-blönduna og hrærið til að blanda vel saman. Setjið viðbótarbollana tvo af sykurpúðunum auk skrautsykursins saman við blönduna. Setjið í formið og sáldrið afgangnum af Oreo-kexinu yfir auk skrautsykurs. Kælið eða borðið kökurnar volgar og njótið vel.
ljósmynd/OhSweetBasil.com
Hafa „ágætis tíma“ til úrbóta
Nauðgaði kærustu sinni og tók það upp
Aðkoman í gripahúsið mjög slæm
Myndskeið: Segjast hafa skotið niður sprengjuflugvél
Gul viðvörun tók gildi í morgun
Spursmál: Fyrsta stóra viðtal Katrínar
Sama stefna í gildi í útlendingamálum
Hæstiréttur staðfestir vanhæfi alls Landsréttar