Apple truflar viðskiptamódel

Auglýsendur eru óánægðir með nýjan valmöguleika í hugbúnaðaruppfærslu Apple.
Auglýsendur eru óánægðir með nýjan valmöguleika í hugbúnaðaruppfærslu Apple. AFP

Auglýsendur á internetinu standa frammi fyrir fordæmalausum truflunum á viðskiptamódeli sínu vegna nýrra möguleika í væntanlegri hugbúnaðaruppfærslu Apple. Hugbúnaðaruppfærslan mun innihalda fídus sem kemur í veg fyrir auglýsingar sem elta notendur um allt internetið og er kallaður “intelligent tracking prevention“. 

Rekjanleikahindrunar stillingin er væntanleg í iOS 11, sem kemur í í dag og mun jafnframt verða í boði á Apple tölvum þann 25. september næstkomandi. Stillingin verður einungis í boði í Safari vafranum en talið er að um 14,9% allra internetnotenda noti Safari. 

Guardian greinir frá því að sex stór auglýsendasamtök hafa nú þegar skrifað opin bréf til Apple þar sem þeir lýsa þungum áhyggjum yfir innleiðingu breytingarinnar og hafa óskað eftir því að Apple endurhugsi áform sín sem komi til með að trufla hið verðmæta stafræna auglýsingahagkerfi sem fjármagni stóran hluta efnis og þjónustu á internetinu. 

Það að rekja (e. track) internetnotkun notenda um vefinn er orðið að veigamiklum þætti innri starfsemi margra auglýsingasamtaka, en með því að nota kökur geta auglýsendur byggt upp ítarlega mynd af vafraferli notenda sem þeir geta síðan notað til að ná til réttra markhópa. 

mbl.is
Fleira áhugavert
Fleira áhugavert